PUA RAS LETO (Isuratken Berty Riana, JMS)

Enda sada turi-turin siadi, kerna Pua ras Leto. si jadi curmin nge maksudna, dalanta erlajar kita manusia.

PUA: “Agi kakana... adi bagenda kita enggo erjabu duana. Tading kita i rumah bapa kita i Rumah Ganjang, uga akapndu?” (Pua asarna seh ganjangana, enterem ia sada asar.) “Aku saja pagi si cari makan, tamin pusuhku, kam i rumah saja.!” Nina Puas man kemberahenna e.

LETO: “Merandal kaka... ota kita berkat...” (Piga bulan kenca si e sakit me si Leto)

PUA: “Uga maka kam sakit dekku.. adi man medem saja kel ku bahan dahindu, tami-tamin pusuhku...”

LETO: “Tuhu kaka, tapi lawes kenca kam encari.... reh angin ei embusna rumahta enda... lanai tanggung aku biarna impal. Berngi ei enggo kam i rumah la tertunduhken aku kaka ban teremna kita sirumahen. Seh kel kuakap gejekna impal. E maka  sakit aku turang!”

PUA: “Adi bagei pindah kita ku rumah mama dekku, uaga akapndu?”

LETO: “Merandal kaka. Aku saja pagi si encari kam rumah saja impal. (Pindah me Pua ras Leto ku Rumah Berneh. Piga bulan kenca si e, sakit ka me si Pua).

LETO: “Uga mk kam sakit kaka, adi labo kam ku suruh erkai pei impal?”

PUA: “Tuhu dekku, tapi lawes kam encari ei. Mentas me jelma tah kerbo, katawari sekale aku la perjatna ateku. Mentas gereta e... mate ngaku bage ateku... kumat birawanku dekku,  e maka aku sakit.

Letto: "Oh adi bage kaka sibanlah rumahta ula meganjangsa ula meteruksa. Maka kam pei lasakit turang aku pai sehat."

Pua : "Tuhu dekku pas bagi katandu ei... sibanlah rumahta bagi kini ngasupenta duana!"